以歌會友

農歷新年、東區走廊、阿娃架車…我同小敏、秘秘吹水,原來我地已經好耐無一齊唱K!
然後,上星期,我唔記得左約,約會推到三月的尋晚!
除了我們三個人,仲有特別來賓..阿花。原本book唔到位先打俾佢,點知佢一知道係唱K,唔理有邊個會join,就二話不說黎。

我地四個"皇家音樂學員學員",一切為音樂出發,純屬"以歌會友",K房內冇啤酒、無骰宗,只有護聲的無花果茶。

初初開聲梗係唱下新歌熱下身先,但好多新歌都唔識唱。由我揀的"發誓"開始掀起高潮,先黎個90年代金曲夜,呢一part,最開心、最high係唱憶蓮的"瘋了"及歐陽菲菲的"你想愛誰就愛誰"。後者從來只係係K房出現,大大話話唱左十年八年。嘩,秘秘唱"領悟",高音甜、低音準,勁!果然係經過十幾年的訓練,小敏就揀左隻近期D歌,憶蓮的"為何他會離開你"。我呢?就是"是不是這樣的夜晚的,你才會這樣的想起我"。

另一個高潮位係阿花帶起的80年代金曲夜!阿花先唱"叛逆漢子",佢話係佢以前的參賽歌,阿秘秘同佢伴舞,笑到我同小敏肚痛,我直頭笑到橫格膜疼痛。咁我無理由唔唱我1994年參加新秀歌唱大賽的參賽曲"口不對心" 架嘛。就係咁,連鮑翠薇姐姐的"夢裡幾番哀"都出埋,而為表我對梅姐的敬意,我特別選唱"赤的疑惑"。

結果,我們唱到差唔多三點鐘,唱左5個幾鐘。如果唔係周公子猛call我,我諗唱到天光都得。

雖然我把聲沙晒,但呢個係一個極之盡情的一夜!好開心。
(特別係呢個禮拜工作真係頗辛苦)

Mar 3, 2008 10:13 am

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s