又愛又恨 – PDA電話

我係PDA Fans!十年前已經買第一部Palm PDA,個時仲做緊agency,其實無乜實際用途,又無會開,又無客見。雖然依家睇番個部Palm,灰灰黑黑,都幾核突,但當時好型架。後稱去老電做BD,出街見客,PDA真係正,當無敵電話簿都好。我個時諗,但電話簿可以直撥埋個電話就好喇,嘩,早兩年我買左第一部PDA電話,O2 Mini,覺得超偉大,又多分唇,成個MS Office,Excel又得,Powerpoint又得。由Windows Mobile 5過渡去Windows Mobile 6,我就換左部O2 Atom life,係呀,又係O2,情有獨鍾呀嘛。

PDA電話,真係又愛又恨,好鬼快無電。我成日以為舊電有事,但問親熟電話的同事,或電話舖的哥哥仔,個個都話"小姐,咁多分唇,又講電話,又數據傳輸,舊電實唔襟玩"。其實,除左以上外,我有個八字命盤software係我部O2,又有IE,成日上WAP,仲可以上MSN,死未!上星期無返公司,一早去見客,講多兩個電話姊,佢四點鐘同我熄機!係熄機,著都著唔到。但係,O2間公司俾人買左,買唔到原裝電,個日買舊代電頂住先,但又驚爆炸。唉…最後,我索性開多張SIM Card,專用黎講電話,個O2..

就用黎上網、MSN,SMS…

但其實,我又不能無左個PDA電話,其中一個分唇係我最鍾意,就係你打94兩個字,佢會依據我電話簿同近期打出打入電話,找那個人出黎。雖知道,其實我記電話好醒,我記得客A個電話係36,嘩,打兩個字,就找到個電話。

算,PDA電話,我忍你!

Mar 10, 2008 8:59 am

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s