唔好問我點解又係去東京！

我其實一定要放假，過往幾個月衝得好恆，唔出去叉叉電，幾高EQ都會發癲。
我其實已經有成8個月未出過門，未放過假，雖然八個月前都係去東京。
我其實想去陽光與海灘，約埋個老友記黃珊珊。但係我那個服務態度奇差，服務質素一流的travel agent話，咪駛旨意有位！佢幫我找到張以旺季黎計，都抵的機票，咁就唔理，出飛！

東京，我一年365日都想去，新宿、涉谷，行極唔完，行極唔厭。
東京，有我老友記小劉，找個藉口去探探小劉。小劉真係正，已經plan好去一個叫信州的地方，會住日本民宿，原始日本風味。我上網睇，好似拍緊"阿信的故事"咁。D風境好鬼靚，無陽光與海灘，有山明水秀都非常高興。

有得relax，有得玩，有得買，有老友…

東京，捨我其誰。
東京，我來也！

Aug 2, 2008 12:51 pm