SAMSUNG

就快出門口！心情有d緊張，好耐好耐無試過去旅行有緊張感覺。因為呢次去的地方莫過話未去過，連聽都未聽過。克羅地亞我記得佢有屆世界杯入左16強，馬爾他就聽都未聽過，連轉機的德國慕尼黑同會去一日的意大利西西里都未到過。多得我d好朋友，我真係好有歉意，車、船、飛機佢地攪掂晒，我乜都無郁過。

我去旅行成日大安旨意，特別近幾年成日去日本，long haul都係去三藩市、Vegas同返溫哥華，美加我熟嘛呀。大安旨意係乜都唔想拎，覺得無咪去到買。但今次去呢個地方，好似乜都無。我從來未試過去旅行要拎乾糧，今次又cake又餅，頭先買埋杯面，因為我同房話，去到歐州就會覺得杯面好好味。仲有風茼！風茼都要帶，因為話歐州乜都無。仲帶左好多濕碎野添呀。

今次無帶的，反面係ipad同netbook，上到網的，就只有一部iphone同部Galaxy。團友話去到馬爾他間酒店就有Wifi，所以如果我upload到相，都係用手機影。無所謂，遠離我老友電腦兩星期姊，反正依家手機都同部電影差不多。

出發喇！

Aug 1, 2011 11:55 am