一直好想share呢篇article，但又想寫幾隻字，拖到依家。

最感同身受係，初入行creative的霸氣。無數個半夜三更先放工的晚上，都因為創作部下午四點先上班，做得起佢手頭上的野，再同我老闆傾，老闆傾完再brief我地幾個細，已經晚上11點。有次我地幾個細索性去唱K，有工開先返office。個時作為媒介部妹妹仔的我，唔係好忿氣，點解媒介部找最多錢，反而最不受重視。雖然我不喜歡media independence，但心底裡，其實我明白點解媒介部要獨立。

在傳統廣告的世界，即電視、報紙、戶外廣告鼎立的年代，Creative部門確實好重要，因為一條好的TVC，再加個明星，已經可以好有noise。我入行時，公司有條"東方紅" TVC，找李嘉欣成去布拉格拍，動聽d叫branding，不過條片其實同個brand或件貨無乜關係，但唔緊要，總之要有noise! 換轉2015年的今日，俾司徙夾帶惡搞呢條"東方紅"應該會有noise過係電視上播個條正版。