恭喜發財，心想事成，鼠年旺相！
仲記唔記得我呀？我係尹進謙，我舊年剛剛出世的時候，已經係呢度出現過。話咁快，我已經一歲零一個月大喇，依家已經識行兩步架喇！我好鍾意食包，你地下次見到我，見住買包俾我食呀！我係咪越黎越似爹地呢？媽咪話我靚仔過爹地架。
尋日係年初三，我爹地、媽咪帶我去Auntie維納斯度拜年呀！又要見到個班噪喧巴閉的Aunites，我仲係媽咪個肚時，已見識過佢地係幾咁噪。無計喇，我大把日子要見到呢班Auntees架，不過佢地好錫我架，Auntie秘秘尋日仲送左件新衫俾我添。好彩依家有娃姨姨同哥頓叔叔同我玩。娃姨姨無佢地咁噪架，阿哥頓叔叔重同我玩巴斯光年上太空添。我諗佢應該幾鍾意我架，咁佢同Aunite維納斯要快D生個哥哥頓弟弟陪我玩架，我做巴斯光年，哥頓弟弟做Woody，YEAH！
我諗起阿混血仔呀，唔知佢係英國點呢？我依家大個仔，可以同佢一齊係Auntie秘秘屋企個天台玩個兩隻狗仔添。佢就好喇，就黎有個細佬或細妹陪佢玩。我都想有細佬妹陪我玩架，有個好似媽咪咁靚的細妹就好喇。但如果個細妹似我或者似爹地咁點算呢？唔緊要，媽咪同D aunties都咁靚，應該會係個靚妹妹黎的。
想睇我最新的相，請即按"好相"。一係係左邊Menu bar揀"年初三"，又或者係上面個Menu Bar揀"Gathering"喇！

Feb 11, 2008 3:40 am