呢張相係我係同事個Photo Album老笠，呢個係最初搬入大埔的辦公室摸樣，張相好珍貴架。其實大埔我地部組所佔用的地方，比九龍灣細成四分一，係新界反而迫過係九龍。無計，規劃有問題。
搬入大埔已經有2年零7個月，呢段日子，斷斷續續搬左兩三次。每次不論大搬都細搬，唔知點解，我都係唔使郁，咁就一個位坐超過兩年半。
今次就大搬喇，我地整個營業部搬去樓層的另一邊，地方大左約五、六倍。D新同事未返工，又有同事走左，我地五個人坐成廿個位，我個行有十個位，坐得兩個人。加上呢一邊位於東面，有好大好大的窗，朝早曬到飛起，點開冷氣都唔涼。但太陽一收山，就即刻凍冰冰，室溫的差異，猶如置身沙漠。但個位有開揚的景觀，仲有個房仔可以用黎開下會(但暫時被視頻組用左)，好自成一角。
話說回來，點都舒服過以前的。唯有寄望多D人後，可以唔使依家咁空曠喇。

Oct 29, 2007 10:54 am