今日係秘書節呀!

記得第一份工第一個秘書好經典!個時office有前、後門,好多次我見到佢拎住個手袋,往後門飛奔(有次差d給佢撞親)。原來,老闆係前門開完會返公司。接近六點,或者怕老闆阻佢收工掛。

幾個月後,新秘書B上場!佢實在…太太太太好!個時公司甩在和記電訊,要裁員,裁左秘書B!所以,曾經有段唔短時間,我"好憎"和記電訊!年少無知的我,認為係佢趕走好秘書。

秘書B後,出現老秘F!我地buddy左在十幾年到依家..

初入香港電訊,唔知地,英國公司的規矩我完全無知!原來我呢個小薯仔唔可以坐有手pan的椅!要Grade 5以上先得,多謝老闆秘書"賀珍妮"的提醒!佢除左提醒我,因為集團網絡超好,我想係邊個Business Unit,問佢好過找intranet。

加入東方報業oncc,有無敵Con姐!Con姐人脈,由4樓canteen到11樓管理層,涉透各部組。經典例子係,佢只需$5,就可以係canteen買到足夠我地"業務發展組"五人食到飽的tea,無人脈邊度得。當然唔少得每個月要我地填form。

調入營業部後,我開始有自己team秘書,佢係"俏秘書積高"!佢天份絕對唔只做秘書,佢幫所有sales拆insertion order數有一手,佢應該做Media Director! 仲有幫我地"生產大隊"打報會,男同事手字肉酸,女同事成日用塗改液改到張紙又厚又臭,仲要翻譯英文報會做中文。還有,佢會幫我準備一堆"要同大姐解釋一大餐的有鑊media plan",然後打內線,"今日大姐心情靚,快d叫佢簽晒紅色快老入面堆文件"。俏秘書收風又快又準。Ohh..I miss “俏秘書積高"!

任職Dentsu時有一位萬能日藉同事,集HR、Finance、Admin及老闆秘書於一身。同事們總認為我用"面膜外交",其實我地的友誼建基於某次,佢問我"覺得老闆靚唔靚仔"?,我答佢,"Are you joking???? 金城武 and 木村拓哉are handsome but not boss!!!!",然後我地成日講靚仔,就咁friend左。早兩星期係太古坊撞到佢,佢話我知原來佢同佢個混血靚兒子同入境處影相!

我係NDN最捉蟲事件係,將自己秘書"Cold兒"調去做Account Servicing,而請番一個經典秘書E。秘書"Cold兒"將NDN打理得井井有條,我去event前仲幫我化個靚裝添。Replace “Cold兒"的係秘書E, 佢乜都話唔係佢工作範圍架。試過夏天有部氣壞左,同事們同佢講佢當耳邊風,到我出聲,佢話有風扇。我回答: “你打電話找人整,應該方便過風扇嘛"。

苦盡甘來,介紹人介紹Ling時話,"如果你地請到佢就有褔,佢一個打三個架"。事實係,Ling打完三個都仲有時間淨,我估計佢一個可以打五、六個。Ling好細心,試過去CityU做兩場group interview,Ling分兩個folder放CV,每張CV mark晒No.,加埋張table係CV summary。最細心位係,佢每個folder都攝幾張紙,以便我地寫comments!

Office有一好秘書,如有一寶!秘書節快樂!

秘書節快樂!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s