應酬

有前老闆跟我及隊員說過: ‘有function, 最好逢請必到,逢到必早。人地俾面你先叫你去，到時侯無人俾面你，你想去都無得去。他本人亦是身體力行，客戶活動如果時間許可的話，定當出席，客戶亦喜見有高屬俾面。
記得初出茅蘆時，熱衷參與多種業界活動，想擴濶眼光、想認識人、想多見世面。不知從何時開始，再不是躱於阿姐阿哥後的小妹妹，在function內疲於打招呼、交談。不知從時開始，興緻減少、懶惰增多。

我是頗討厭以下說話或想法，

‘我唔鍾意social,你咁鍾意social, d functions你去喇，我唔去喇’
(其實我都想返屋企瞓覺，或者同班老友打邊爐，多過去分唇笑到梗晒）

‘車，佢工作能力好一般姊，咪又係靠social靠關係上位’
(你係屋企瞓覺時，人地花時間去分唇去飲野去食飯又點計）

人際關係、人際網絡是 “工作能力"的一部份，關係/網絡不僅於跟客戶，還包括跟同事，商業伙伴等，從CEO到tea lady都一樣重要。別人給你面子，大可能是因為你先給別人面子，良好人際關係及網絡往往令事情事半功倍。關係及網絡的建立，不是一朝一夕，是一點一滴累積的。

埋頭苦幹的牛雖好，但滿場飛的花蝴蝶一樣受歡迎，俾面派對是職場必需品。在看不開別人靠關係上位的時侯，請也欣賞別人花時間搞關係的心血。工作能力跟溝通能力，同樣重要，那管你是打工仔或是老闆。當然junior是以工作能力佔大比重，但時間越久，職位越高，需要的是人事管理，而不是"落手落腳"去做，溝通能力比重隨之增加。要是工作十年以上，還認為致勝之道是我個graphics做得靚、我個proposal做得好、我個thinking好獨特，那你你必需面對一個殘酷的現實: 你老闆還是喜歡一個 “有良好人際關係、相識滿天下，公司上上下下大把老友，最好有大把客跟佢跳槽的員工"，多於喜歡一隻只埋頭苦幹、即使工作做得好，但幾隻綾角成日俾人投訴的牛。因為，人際關係是累積且不能被取代的，價值自然高。

Feb 27, 2012 11:15 am