撞日不如撞日，撞日不如好日！
舊年我同黃珊珊本計劃去一齊去旅行，但最終種種原因都無成事。黃珊珊六月生日，諗住找佢食生日，點知佢話六月大部份時間都係北京。咁咪係北京食羅！個Trip無乜點plan，我求其買本 “北京食玩買天書” ，睇到無乜睇過。多得黃珊珊款待，同埋佢俾我住個間北京馬會Club House，好鬼正！
都無時間諗個trip點，所以都無乜期望，特別我其實不嬲唔鍾意返大陸，深圳都N年無返。但呢四日過得好好好開心，原來唔駛去長城、故宮、和園的北京係咁好玩。呢個trip，完全改觀左我對祖國的印象，我5年前都去過北京，但同上個月的北京係完全唔同晒，基本上都唔覺得自己曾經去過。
北京好玩之處係有歷史文化，有潮物藝術，D野潮得黎又好有北京獨有的Feel，不愧係一國之首都，。我的感覺係北京係大仔，阿爺俾晒好野佢，但佢當然又要負番D長子摘孫的負任，保留阿爺留俾佢的野。香港同上海無呢個特權又或者包袱，所以咪做個先進大城市Feel。
今次因為要幫一個同事羅野俾佢係北京做野的朋友，那個朋友介紹我去一個叫 “南鑼鼓巷” 的地方，係胡同黎，超正。當然又去左鳥巢、水立方、798同三里屯Village真除左潮北京，我又去左一個叫什剎海的地方，阿黃珊珊猛話係一個老北京地方，保証我一落的士就笑。真係，我一落的士就笑，好似我細個去新會那個小鳥天堂咁，好鬼娘。So.. 娘！我娘盡，去坐水上單車！YES! 細個係泰園魚村玩個款，但我磅多20蚊租個用電的水上單車。嘩，好在租電水上單車，唔係同要同黃珊珊用腳踩足一粒鐘，我諗落船後已經反鬼左面。但呢個電水上單車超好玩，又可以用一個好舒服的Way去睇呢個湖。要記住，北京係無海架，唔似我地香港四面環海，所以呢個係北京人小數見到水的地方，所以明明係個湖仔，都叫佢做海。
玩之外，又可以見下D係北京做野的老友呀。有得食、有得玩、有得Hea，絕對係我近日痛苦壓力大到爆工作中的正Trip。 我深信，讀萬卷書不如行萬里路。旅行，總有無限驚喜俾你，咁先會enrich自己的人生。所以唔駛諗咁多，有得出發就出發喇！

Jul 13, 2009 1:23 am